Запрашаем падлеткаў на ўнікальны курс Генадзя Гатоўчыца. Ён вядзе акцёрскае майстэрства і блогерства ў дзяцей 8-14 гадоў. Генадзь лёгка знаходзіць агульную мову нават са складанымі, закрытымі дзецьмі, хоць сам лічыць, што такіх не бывае ❗Па адукацыі Генадзь акцёр тэатра і кіно. Скончыў беларускамоўны курс Мазынскага БДАМ у Мінску, працаваў у беларускамоўным тэатры "Дзя--я?". За яго плячыма 37 кінапрац. Ён здымаўся ў такіх вядомых фільмах як "Вольф Месінг», «Каменская», «Мухтар»" і г.д. але асаблівае задавальненне Генадзь атрымлівае, калі дзеліцца сваімі ведамі ў акцёрскай прафесіі з дзецьмі і падлеткамі. Ужо 20 гадоў як ён выкладае дзецям.

Генадзь перакананы, што акцёрскія навыкі неабходны і ў штодзённым жыцці. Бо гэта не толькі выкананне ролі, але выразная прыгожая гаворка, гучны пастаўлены голас, смеласць, упэўненасць, уменне падаць сябе, выдатная памяць і творчае мысленне. «Акторам можаш ты не быць, але гучна размаўляць абавязаны» – дэвіз Генадзя. І новыя рэаліі дыктуюць новыя ўмовы - прафесія блогера становіцца ўсё папулярней. Многія дзеці хочуць паспрабаваць сябе ў гэтай якасці. Як прыдумаць ролік, напісаць сцэнар, агучыць тэкст, выбраць удалы ракурс і зняць сябе - гэтаму таксама Генадзь вучыць на занятках. План урока такі:

• Артыкуляцыйная гімнастыка;
  
  
• Дыкцыйны трэнінг;
  
  
• Вучымся сябе здымаць на камеру і наступнае абмеркаванне па знятым матэрыяле;
  
  
• Вучымся праяўляць эмоцыі;
  
  
• Праводзім гульні на ўяўленне, разняволенне, развіццё памяці.
  
  

Пасля заняткаў даецца невялікае дамашняе заданне, а ролікі дзяцей Генадзь манціруе ў міні-фільмы і высылае на памяць.

Вучні Генадзя - гэта дзеці-білінгвы з усяго свету, якія сябруюць і, вядома, пашыраюць слоўнікавы запас беларускай мовы на неардынарных занятках. У групе да 5-ці дзяцей.

Працягласць заняткаў: 50 хвілін.

Пачатковы курс беларускай мовай для дарослых. Для тых, хто жыве замяжой, але жадае ведаць сваё.

Цягам 6 тыдняў пройдуць12 заняткаў. На кожным - новая тэматычная група слоў і практыка іх ужывання. Вывучым адзенне, посуд, словы ветлівасці, пісьмовыя прыналежнасці, ежу, мэблю, народныя святы.

Да таго ж, будуць цікавыя звесткі з беларускай культуры і гісторыі нашае мовы.

У групе не больш за 5 чалавек.

Праз паўтара месяца вы ўжо будзеце ведаць безліч новых словаў, перастанеце блытаць сябе і сабе, знойдзеце новых сяброў, з якімі ўжо сможаце спілкавацца на роднай мове.

Заняткі вядзе Вольга Каралёнак, якая мае дзве вышэйшыя адукацыі (філфак БДУ з чырмвоным дыпломам і тэатральны факультэт БГАМ). Вольга ўмее захапіць вучняў любога ўзросту, надаць сваёй энергіі і любові да роднай мовы.

Працягласць заняткаў: 45 хвілін.

Рэпетытар па беларускай мове і літаратуры.

Калі Вы шукаеце больш акадэмічныя заняткі па беларускай мове і літаратуры, або жадаеце займацца індывідуальна, запрашаем Вас да рэпетытара па беларускай мове і літаратуры Наталлі Зайкоўскай. Яна мае 15-гадовы стаж. Закончыла БДПУ імя Максіма Танка факультэт беларускай філалогіі і культуры. З 2008 па 2022 працавала настаўніцай беларускай мовы і літаратуры ў гімназіі г.Мінска, зараз працуе ў прыватнай школе. З натхненнем ставіцца да сваёй работы, захапляе дзяцей роднай мовай. На занятках:

• Вучымся чытаць і пісаць на беларускай мове;
  
  
• Вывучаем граматыку, лексіку, правілы сінаксісу і пунктуацыі;
  
  
• Чытаем лепшыя творы беларускай літаруры;
  
  
• Разважаем, спрачаемся і вучымся абгрунтоўваць свае думкі.
  
  
• Праходзім беларускую школьную праграму
  
  

Праграмма заняткаў залежыць ад вашых пажаданняў і узроўня ведаў дзіця. На занятках пануе атмасфера павагі і дабразычлівасці.

Узрост: 8-16 гадоў. Працягласць заняткаў: 45 хвілін.

КОШТ 13,6 фунтаў ($ 15,7)