Дарагія сябры! Наша родная мова -- беларуская. Мы вельмі любім яе і вельмі ўдзячны нашым вучням, калі яны выбіраюць беларускую мову для вывучэння.

Наша каманда распрацавала некалькі нетрывіальных курсаў, каб вывучаць родную мову было весела і цікава.

Курсы разлічаны, як на на дзяцей рознага ўзросту, так і на дарослых.

Каму яны падыходзяць:

• хто амаль не ведае мову і пачынае яе вывучаць
• разумеее, але сароміцца гаварыць
• жадае навучыцца пісаць і чытаць
• мае патрэбу дагнаць беларускую школьную праграмму
• выдатна размаўляе і шукае клуб сяброў

Кожны з Вас знойдзе сваю группу па ўзроўню ведаў і інтарэсах, або зможа наведваць індывідульныя заняткі. Нашы выкладчыкі - беларускія акторы, філолагі і педагогі з вялікім вопытам працы, анлайн ў тым ліку.

Калі ласка, выбірайце і запісвайцеся!

Пан Цыбулька чакае і будзем сябраваць па- беларуску!.

Гэта праграма для тых, хто жыве па-за межамі Беларусі і чые дзеці ўжываюць альбо хацелі б ужываць беларускую мову ў штодзённым жыцці.

Узрост 4-10 гадоў.

У нашай групе :

• мы размаўляем па-беларуску на розныя побытавыя тэмы;

• разбіраем новыя словы з дапамогай малюнкаў;

• гуляем у гульні са словамі;

• атрымоўваем творчыя заданні на дом, каб было, чым хваліцца пры сустрэчы!

• вучымся складваць сказы на беларускай мове;

• самі сачыняем гісторыі;

• абмяркоўваем любімыя мультфільмы, кнігі, цацкі і г.д;

• маем сваю суполку ў сацсетках, дзе абменьваемся карыснай інфармацыяй (спасылкі на мульцікі, малюнкі, артыкулы, падручнікі!)

У выніку дзеці вывучаюць новыя словы, развіваюць камунікацыйныя здольнасці, маюць магчымасць абмяркоўваць любімыя рэчы з адналеткамі, набываюць упэўненасць, калі бачаць дзяцей, якія таксама размаўляюць па-беларуску!

Нашая школа створаная для дзяцей-білінгваў, таму мы разумеем асаблівасці развіцця гэтых дзетак.Мы робім дыферынцыйны падыход у адпаведнасці з валоданнем беларускай мовы і ўзростам. У групе да 5-ц і дзяцей.

У любым разе сумна не будзе!

Давайце ж сябраваць па-беларуску!

Працягласць заняткаў: 45 хвілін..

Запрашаем падлеткаў на ўнікальны курс Генадзя Гатоўчыца. Ён вядзе акцёрскае майстэрства і блогерства ў дзяцей 8-14 гадоў. Генадзь лёгка знаходзіць агульную мову нават са складанымі, закрытымі дзецьмі, хоць сам лічыць, што такіх не бывае. Па адукацыі Генадзь акцёр тэатра і кіно. Скончыў беларускамоўны курс Мазынскага БДАМ у Мінску, працаваў у беларускамоўным тэатры "Дзя--я?". За яго плячыма 37 кінапрац. Ён здымаўся ў такіх вядомых фільмах як "Вольф Месінг», «Каменская», «Мухтар»" і г.д. але асаблівае задавальненне Генадзь атрымлівае, калі дзеліцца сваімі ведамі ў акцёрскай прафесіі з дзецьмі і падлеткамі. Ужо 20 гадоў як ён выкладае дзецям.

Генадзь перакананы, што акцёрскія навыкі неабходны і ў штодзённым жыцці. Бо гэта не толькі выкананне ролі, але выразная прыгожая гаворка, гучны пастаўлены голас, смеласць, упэўненасць, уменне падаць сябе, выдатная памяць і творчае мысленне. «Акторам можаш ты не быць, але гучна размаўляць абавязаны» – дэвіз Генадзя. І новыя рэаліі дыктуюць новыя ўмовы - прафесія блогера становіцца ўсё папулярней. Многія дзеці хочуць паспрабаваць сябе ў гэтай якасці. Як прыдумаць ролік, напісаць сцэнар, агучыць тэкст, выбраць удалы ракурс і зняць сябе - гэтаму таксама Генадзь вучыць на занятках. План урока такі:

• Артыкуляцыйная гімнастыка;
• Дыкцыйны трэнінг;
• Вучымся сябе здымаць на камеру і наступнае абмеркаванне па знятым матэрыяле;
• Вучымся праяўляць эмоцыі;
• Праводзім гульні на ўяўленне, разняволенне, развіццё памяці.

Пасля заняткаў даецца невялікае дамашняе заданне, а ролікі дзяцей Генадзь манціруе ў міні-фільмы і высылае на памяць.

Вучні Генадзя - гэта дзеці-білінгвы з усяго свету, якія сябруюць і, вядома, пашыраюць слоўнікавы запас беларускай мовы на неардынарных занятках. У групе да 5-ці дзяцей.

Працягласць заняткаў: 50 хвілін.

Рэпетытар па беларускай мове і літаратуры.

Калі Вы шукаеце больш акадэмічныя заняткі па беларускай мове і літаратуры, або жадаеце займацца індывідуальна, запрашаем Вас на індывідуальныя ўрокі па беларускай мове і літаратуры. На занятках:

• Вучым чытаць і пісаць на беларускай мове;
• Вывучаем граматыку, лексіку, правілы сінаксісу і пунктуацыі;
• Чытаем лепшыя творы беларускай літаруры;
• Разважаем, спрачаемся і вучымся абгрунтоўваць свае думкі.
• Праходзім беларускую школьную праграму

Праграмма заняткаў залежыць ад вашых пажаданняў і узроўня ведаў дзіця. На занятках пануе атмасфера павагі і дабразычлівасці.

Узрост: 5-16 гадоў. Працягласць заняткаў: 45 хвілін.